لوگوں کا انتخاب

ہم چیزوں کو خود کے لیے چن سکتے ہیں مگر انسانوں کا انتخاب کرنا مشکل عمل ہے . مجھے لگتا ہےہمیں اس دنیا میں لوگوں سے خود ملایا جاتا ہے ہمیں کن لوگوں سے ملنا ہے کس خاندان میں پیدا ہونا ہے یہ رشتوں کا انتخاب انسان کے اختیار میں نہیں رکھا گیا اسی لیے لوگوں سے تعلق ایک آزمائش ہے کڑی آزمائش۔۔ عارضی رشتے اور بھی مشکل خندق ہوتے ہیں ہم چاہ کر بھی لوگوں کو ہمارا انتخاب کرنے کے لیے۔ آمادہ نہیں کر سکتے۔۔۔ کچھ لوگ تو بارش کی بوندوں کی طرح ہوتے ہیں جنہیں پانے کی جستجو میں ہاتھ گیلے تو ہو جاتے ہیں مگر حاصل کچھ نہیں ہو سکتا۔۔لوگوں کو ہمارے لئے مشعل بھی بنایا جاتا ہے کسی کے لیے ہمیں سارا جہاں بنایا جاتا ہے۔۔ ہر کوئی کسی نہ کسی انسان کی جستجو میں اپنے ہی مدار میں گردش کرتے ہیں۔۔من پسند انسان تو کڑا امتحان۔ ہے کسی کو چھاوں سے نکال کر کڑی دھوپ میں کھڑا کردیا جاتا ہے اور کسی کو اندھیرے سے نکال کر روشنی میں کھڑا کردیا جاتا ہے۔۔انسانوں میں سے انسان کا چناؤ رسوائی کا کھیل ہے۔۔۔

تبصرے

ایک تبصرہ شائع کریں

Shukria

اس بلاگ سے مقبول پوسٹس

گھاٹے کے قیمتی سودے

محبت کا سودا بھی کیا عجیب سودا ہے کہ ھم اپنے اختیار کے سارے سکے دے کر زندگی بھر کے لئے بےبسی اور لاچاری کی سوغات مول لیتے ہیں بدلے میں ملنے والی اس چھٹانک بھر محبت کی عمر بھی اتنی مختصر کہ جیسے کوئی اڑتی تتلی بھولے سے کسی کھلی ہتھیلی پر آ بیٹھے اور اگلے پل ہی جنبش پر اڑان بھر لے. مگراس مختصر  لمحے میں بھی مسلسل انتظار، اداسی، کرب اور بےچینی کا لامتناہی روگ ھمارے خون میں منتقل کر جائے. شاید محبت نام کا یہ آسیب ہمیں ہماری اوقات یاد دلانے کے لیے زندگی میں وارد ہوتا ہے. وہ جو سب کے لئے عام اور میسر ہوتا ہے وہی شخص ہمارے لیے کچھ خاص ہوتے ہی لاحاصل اور نایاب کیوں بن جاتا ہے؟ سبھی سے ہنس کر ملنے والے کی جبیں پر ہمیں دیکھ بل کیوں پڑ جاتے ہیں؟ عام دنوں میں پتھر سے ارزاں دستیاب لوگ محبت کے قحط میں نیلم اور پکھراج کے مول کیوں پڑنے لگتے ہیں؟  . اب میں اس محبت کو ترک کرنا چاہوں بھی تو یہ محبت مجھے ترک نہیں کرتی, اگر اس درد کا ٹھہر جانا طے ہے تو پھر یہ درد بھی ٹھہر کیوں نہیں جاتا؟.وہ میرے مقدر میں نہیں تو نہ سہی مگر  میرے اندر ایک تبدیلی آ گئی ہے جس نے مجھے بدل دیا ہے اب مجھے محبت کے مختلف قرینے پتا...
مزید پڑھیں

سورہ کہف

Copied سورۃ الکہف میں نے دو سال لگائے سورہ کہف کو سمجھنے میں اور 120  تفاسیر کا مطالعہ کیا جن میں اردو اور عربی کی تفاسیر کا مطالعہ کیا اس کے علاوہ ایک فارسی تفسیر بھی تھی۔  ہم اس سورۃ کو صرف غار والوں کا واقعہ سمجھتے ہیں مگر اصل مدعا جو ہے اس کی طرف کسی کی نظر ہی نہیں گئی۔  تو اس سورۃ کا مقصود یا لب لباب یا سینٹرل آئیڈیا کہہ لیں یہ ہے کہ  اللہ اس دنیا میں لوگوں کو آٹھ طرح کے حالات سے آزماتے ہیں، عزت ، ذلت ، صحت ، بیماری ، نفع ، نقصان ، خوشی ، غمی ۔ ہر بندہ ہر وقت ان میں سے کسی ایک حال میں ہوتا ہے۔ ان آٹھ کو اگر تقسیم کریں تو دو دو حالات میں تقسیم ہوں گے۔ لہٰذا یا تو اچھے حالات ہوں گے یا برے۔ یعنی یا تو بندہ عزت میں ہو گا یا ذلت میں۔ یا صحت ہو گی یا بیماری۔ تو اللہ دو حالات میں آزماتے ہیں یا تو اچھے یا برے۔ اللہ تعالیٰ آزماتے ہیں کہ یہ بندہ اچھے حالات میں شکر کرتا ہے  یا نہیں اور برے حالات میں صبر کرتا ہے یا نہیں۔ تو اس طرح دو پیپر بنے ایک شکر کا پیپر اور  دوسرا صبر کا پیپر۔ اب اگر بندے نے اچھے حالات میں شکر کیا تو اس نے پیپر کو پاس کیا اور  اگر ناشکری کی تو اس پیپر کو فیل کیا ۔ اور اگ...
مزید پڑھیں

صبر اور اللہ

کبھی کبھی ہم ایسی تکلیفوں میں ہوتے ہیں جو کسی کو بتا بھی نہیں سکتے ہم اکیلے ہی لڑ رہے ہوتے ہیں یہاں تک کہ ہمارے ماں باپ کو بھی پتہ نہیں ہوتا کہ ہم اپنے اندر کیا جھیل رہے ہیں اُس وقت زہن میں عجیب و غریب وسوسے آتے ہیں شیطان کی سازشیں عُروج پر ہوتی ہیں کہ کسی طرح بندے کو مایوس کر دے اُسے یقین دلا دے کہ تیری دُعاؤں کا کوئی فائدہ نہیں تجھے کچھ نہیں ملنے والا, اُس وقت ہم بالکل تنہا ہوتے ہیں ہماری ازیتیں بہت گہری ہوتی ہیں مگر کوئی سمجھنے والا نہیں ہوتا ہم دوسروں کو دیکھتے ہیں کہ اُن کے پاس تو سب کچھ ہے حالانکہ وہ کوئی اتنے اچھے بھی نہیں تو ہمارے کون سے گناہ ہیں آخر, یہ ساری تکلیفیں ایک ہی وقت دے کر اللہ اپنے بندے کا امتحان کرتا ہے ایک ساتھ ہی صبر, ایمان, خوف اور شیطان کی چالوں میں نہ آنے کا امتحان, اللہ دیکھ رہا ہوتا ہے کہ آخر میرا بندہ میرا کتنا مطیع ہے اسے وسوسے آتے ہیں پھر بھی یہ ایمان رکھتا ہے کہ جس نے تکلیف دی وہ لازمی اسے ختم بھی کرے گا , یہ اپنے آس پاس لوگوں کو دیکھتا ہے جن کے پاس بناء کچھ کیے سب کچھ ہے مگر یہ صبر کر رہا ہے کہ اللہ جن سے محبت کرتا ہے بس اُنھیں آزماتا ہے, یہ اپنی تکلیفو...
مزید پڑھیں